NewIncredible offer for our exclusive subscribers!Read More
Padawali Utsav

ਸ੍ਰੀਹਿਤ ਮੰਗਲ ਗਾਨ

  • November 30, 2025
  • 1 min read
  • 128 Views
ਸ੍ਰੀਹਿਤ ਮੰਗਲ ਗਾਨ

ਸ੍ਰੀਹਿਤ ਮੰਗਲ ਗਾਨ

-ਸ੍ਰੀ ਹਿਤ ਸੇਵਕ ਜੀ (ਦਾਮੋਦਰ ਜੀ) ਕ੍ਰਿਤ

ਜੈ ਜੈ ਸ੍ਰੀਹਰਿਵੰਸ਼, ਵਿਆਸ-ਕੁਲ-ਮੰਡਨਾ । ਰਸਿਕ ਅਨੰਨਯਨੀ ਮੁੱਖ ਗੁਰੂ, ਜਨ ਭੈ ਖੰਡਨਾ ॥ ਸ੍ਰੀਵ੍ਰਿੰਦਾਵਨ ਵਾਸ, ਰਾਸ ਰਸ ਭੂਮਿ ਜਹਾਂ । ਕ੍ਰੀਡਤ ਸ਼ਿਆਮਾ-ਸ਼ਿਆਮ, ਪੁਲਿਨ ਮੰਜੁਲ ਤਹਾਂ ॥

ਪੁਲਿਨ ਮੰਜੁਲ ਪਰਮ ਪਾਵਨ, ਤ੍ਰਿਵਿਧ ਤਹਾਂ ਮਾਰੁਤ ਬਹੇ । ਕੁੰਜ ਭਵਨ ਵਿਚਿਤ੍ਰ ਸ਼ੋਭਾ, ਮਦਨ ਨਿਤ ਸੇਵਤ ਰਹੈ ॥ ਤਹਾਂ ਸੰਤਤ ਵਿਆਸਨੰਦਨ, ਰਹਤ ਕਲੁਸ਼ ਵਿਹੰਡਨਾ । ਜੈ ਜੈ ਸ੍ਰੀਹਰਿਵੰਸ਼, ਵਿਆਸ-ਕੁਲ-ਮੰਡਨਾ ॥੧॥

ਜੈ ਜੈ ਸ੍ਰੀਹਰਿਵੰਸ਼-ਚੰਦ੍ਰ ਉਦਿਤ ਸਦਾ । ਦ੍ਵਿਜ-ਕੁਲ-ਕੁਮੁਦ ਪ੍ਰਕਾਸ਼, ਵਿਪੁਲ ਸੁਖ ਸੰਪਦਾ ॥ ਪਰ ਉਪਕਾਰ ਵਿਚਾਰ, ਸੁਮਤਿ ਜਗ ਵਿਸਤਰੀ । ਕਰੁਣਾ-ਸਿੰਧੁ ਕ੍ਰਿਪਾਲੁ, ਕਾਲ ਭੈ ਸਬ ਹਰਿ ॥

ਹਰਿ ਸਬ ਕਲਿ ਕਾਲ ਕੀ ਭੈ, ਕ੍ਰਿਪਾ ਰੂਪ ਜੁ ਵਪੁ ਧਰ੍ਯੌ । ਕਰਤ ਜੇ ਅਨਸਹਨ ਨਿੰਦਕ, ਤਿਨਹੁੰ ਪੈ ਅਨੁਗ੍ਰਹ ਕਰਯੌ ॥ ਨਿਰਅਭਿਮਾਨ ਨਿਰਵੈਰ ਨਿਰੁਪਮ, ਨਿਸ਼ਕਲੰਕ ਜੁ ਸਰ੍ਵਦਾ । ਜੈ ਜੈ ਸ੍ਰੀਹਰਿਵੰਸ਼-ਚੰਦ੍ਰ ਉਦਿਤ ਸਦਾ ॥੨॥

ਜੈ ਜੈ ਸ੍ਰੀਹਰਿਵੰਸ਼, ਪ੍ਰਸੰਸ਼ਿਤ ਸਬ ਦੁਨੀ । ਸਾਰਾਸਾਰ ਵਿਵੇਕਿਤ, ਕੋਵਿਦ ਬਹੁ ਗੁਨਿ ॥ ਗੁਪ੍ਤ ਰੀਤਿ ਆਚਰਨ, ਪ੍ਰਗਟ ਸਬ ਜਗ ਦੀਯੇ । ਗਿਆਨ-ਧਰਮ-ਵ੍ਰਤ-ਕਰਮ, ਭਕ੍ਤਿ-ਕਿੰਕਰ ਕੀਯੇ ॥

ਭਕ੍ਤਿ ਹਿਤ ਜੇ ਸ਼ਰਣ ਆਯੇ, ਦ੍ਵੰਦ ਦੋਸ਼ ਜੁ ਸਬ ਘਟੇ । ਕਮਲ ਕਰ ਜਿਨ ਅਭੈ ਦੀਨੇ, ਕਰਮ-ਬੰਧਨ ਸਬ ਕਟੇ ॥ ਪਰਮ ਸੁਖਦ ਸੁਸ਼ੀਲ ਸੁੰਦਰ, ਪਾਹਿ ਸ੍ਵਾਮਿਨਿ ਮਮ ਧਨੀ । ਜੈ ਜੈ ਸ੍ਰੀਹਰਿਵੰਸ਼, ਪ੍ਰਸੰਸ਼ਿਤ ਸਬ ਦੁਨੀ ॥੩॥

ਜੈ ਜੈ ਸ੍ਰੀਹਰਿਵੰਸ਼, ਨਾਮ-ਗੁਣ ਗਾਇ ਹੈ । ਪ੍ਰੇਮ ਲਕ੍ਸ਼ਣਾ ਭਕ੍ਤਿ, ਸੁਦ੍ਰਢ ਕਰਿ ਪਾਇਹੈ ॥ ਅਰੁ ਬਾਢੇ ਰਸਰੀਤਿ, ਪ੍ਰੀਤਿ ਚਿਤ ਨ ਟਰੇ । ਜੀਤਿ ਵਿਸ਼ਮ ਸੰਸਾਰ, ਕੀਰਤਿ ਜਗ ਵਿਸ੍ਤਰੈ ॥

ਵਿਸ੍ਤਰੈ ਸਬ ਜਗ ਵਿਮਲ ਕੀਰਤਿ, ਸਾਧੁ-ਸੰਗਤਿ ਨ ਟਰੈ । ਵਾਸ ਵ੍ਰਿੰਦਾਵਿਪਿਨ ਪਾਵੈ, ਸ੍ਰੀਰਾਧਿਕਾ ਜੁ ਕ੍ਰਿਪਾ ਕਰੈ ॥ ਚਤੁਰ ਜੁਗਲ ਕਿਸ਼ੋਰ ਸੇਵਕ, ਦਿਨ ਪ੍ਰਸਾਦਹਿ ਪਾਇ ਹੈ । ਜੈ ਜੈ ਸ੍ਰੀਹਰਿਵੰਸ਼, ਨਾਮ-ਗੁਣ ਗਾਇਹੈ ॥੪॥

|| ਬਧਾਈ ਗਾਨ ||

ਮਧੁਰੀਤੁ ਮਾਧਵ ਮਾਸ ਸੁਹਾਈ । ਭਾਗ ਪ੍ਰਕਾਸ਼ ਵਿਆਸ ਨੰਦਨ ਮੁਖ , ਫੂਲ੍ਯੌ ਕਮਲ ਅਮਲ ਛਬਿ ਛਾਈ ॥ ਸ੍ਰਵਤ ਮਧੁਰ ਮਕਰੰਦ ਸੁਯਸ਼ ਨਿਜ , ਕੁੰਜ-ਕੇਲਿ-ਸੌਰਭ ਸਰਸਾਈ । ਸੇਵਤ ਰਸਿਕ ਅਨੰਨ੍ਯ ਭ੍ਰਮਰ ਮਨ , ‘ਕ੍ਰਿਸ਼ਣਦਾਸ’ ਸੁਖ ਸਾਰ ਸਦਾਈ ॥

 

About Author

asutosinc@gmail.com