ଶ୍ରୀହିତ ମଙ୍ଗଲ ଗାନ

ଶ୍ରୀହିତ ମଙ୍ଗଲ ଗାନ

-ଶ୍ରୀ ହିତ ସେବକ ଜୀ (ଦାମୋଦର ଜୀ) କୃତ

ଜୈ ଜୈ ଶ୍ରୀହରିବଂଶ, ବ୍ୟାସ-କୁଳ-ମଣ୍ଡନା | ରସିକ ଅନନ୍ନୟନୀ ମୁଖ୍ୟ ଗୁରୁ, ଜନ ଭୟ ଖଣ୍ଡନା || ଶ୍ରୀବୃନ୍ଦାବନ ବାସ, ରାସ ରସ ଭୂମି ଜହଁା | କ୍ରୀଡତ ଶ୍ୟାମା-ଶ୍ୟାମ, ପୁଳିନ ମଁଜୁଳ ତହଁା ||

ପୁଳିନ ମଞ୍ଜୁଳ ପରମ ପାବନ, ତ୍ରିବିଧ ତହଁା ମାରୁତ ବହେ | କୁଞ୍ଜ ଭବନ ବିଚିତ୍ର ଶୋଭା, ମଦନ ନିତ ସେବତ ରହୈ || ତହଁା ସଂତତ ବ୍ୟାସନଂଦନ, ରହତ କଳୁଷ ବିହଂଡନା | ଜୈ ଜୈ ଶ୍ରୀହରିବଂଶ, ବ୍ୟାସ-କୁଳ-ମଣ୍ଡନା ||୧||

ଜୈ ଜୈ ଶ୍ରୀହରିବଂଶ-ଚଂଦ୍ର ଉଦିତ ସଦା | ଦ୍ୱିଜ-କୁଳ-କୁମୁଦ ପ୍ରକାଶ, ବିପୁଳ ସୁଖ ସଂପଦା || ପର ଉପକାର ବିଚାର, ସୁମତି ଜଗ ବିସ୍ତରି | କରୁଣା-ସିଂଧୁ କୃପାଳୁ, କାଳ ଭୟ ସବ ହରି ||

ହରି ସବ କଳି କାଳ କୀ ଭୟ, କୃପା ରୂପ ଜୁ ବପୁ ଧର୍ୟୌ | କରତ ଜେ ଅନସହନ ନିଂଦକ, ତିନହୁଁ ପୈ ଅନୁଗ୍ରହ କର୍ୟୌ || ନିରଅଭିମାନ ନିର୍ୱେର ନିରୁପମ, ନିଷ୍କଳଙ୍କ ଜୁ ସର୍ବଦା | ଜୈ ଜୈ ଶ୍ରୀହରିବଂଶ-ଚଂଦ୍ର ଉଦିତ ସଦା ||୨||

ଜୈ ଜୈ ଶ୍ରୀହରିବଂଶ, ପ୍ରସଂଶିତ ସବ ଦୁନୀ | ସାରାସାର ବିବେକିତ, କୋବିଦ ବହୁ ଗୁନି || ଗୁପ୍ତ ରୀତି ଆଚରନ, ପ୍ରଗଟ ସବ ଜଗ ଦିୟେ | ଜ୍ଞାନ-ଧର୍ମ-ବ୍ରତ-କର୍ମ, ଭକ୍ତି-କିଂକର କୀୟେ ||

ଭକ୍ତି ହିତ ଜେ ଶରଣ ଆୟେ, ଦ୍ୱଂଦ ଦୋଷ ଜୁ ସବ ଘଟେ | କମଳ କର ଜିନ ଅଭୟ ଦୀନେ, କର୍ମ-ବଂଧନ ସବ କଟେ || ପରମ ସୁଖଦ ସୁଶୀଳ ସୁଂଦର, ପାହି ସ୍ୱାମିନି ମମ ଧନୀ | ଜୈ ଜୈ ଶ୍ରୀହରିବଂଶ, ପ୍ରସଂଶିତ ସବ ଦୁନୀ ||୩||

ଜୈ ଜୈ ଶ୍ରୀହରିବଂଶ, ନାମ-ଗୁଣ ଗାଇ ହୈ | ପ୍ରେମ ଲକ୍ଷଣା ଭକ୍ତି, ସୁଦ୍ରଢ଼ କରି ପାଇହୈ || ଅରୁ ବାଢେ ରସରୀତି, ପ୍ରୀତି ଚିତ ନ ଟରେ | ଜୀତି ବିଷମ ସଂସାର, କୀରତି ଜଗ ବିସ୍ତରୈ ||

ବିସ୍ତରୈ ସବ ଜଗ ବିମଳ କୀରତି, ସାଧୁ-ସଁଗତି ନ ଟରୈ | ବାସ ବୃଂଦାବିପିନ ପାବୈ, ଶ୍ରୀରାଧିକା ଜୁ କୃପା କରୈ || ଚତୁର ଯୁଗଳ କିଶୋର ସେବକ, ଦିନ ପ୍ରସାଦହି ପାଇ ହୈ | ଜୈ ଜୈ ଶ୍ରୀହରିବଂଶ, ନାମ-ଗୁଣ ଗାଇହୈ ||୪||

|| ବଧାଇ ଗାନ ||

ମଧୁରୀତୁ ମାଧବ ମାସ ସୁହାଇ | ଭାଗ ପ୍ରକାଶ ବ୍ୟାସ ନଂଦନ ମୁଖ , ଫୂଲ୍ୟୌ କମଳ ଅମଳ ଛବି ଛାଇ || ଶ୍ରବତ ମଧୁର ମକରଂଦ ସୁଯଶ ନିଜ , କୁଞ୍ଜ-କେଳି-ସୌରଭ ସରସାଇ | ସେବତ ରସିକ ଅନନ୍ୟ ଭ୍ରମର ମନ , ‘କୃଷ୍ଣଦାସ’ ସୁଖ ସାର ସଦାଇ ||